العمر رحلة والليالي مقابيل

والوقت ماشي بين نازل ورحَّال

ياكم هقينا ما لقينا محاصيل

وياكم نصانا الحظ من دون نحتال

نقول لا ضاقت علينا تساهيل

ونشكي على الله ضيقة الصدر والبال

نرفض هوان النفس حمله وتفصيل

ونكابد البلوة ولو دربها طال

ما نرتخي ونبدّل القصد ونميل

والله خبير وعالم بكل الأحوال

نشوف من بعض المشاكل غرابيل

نسكت ويقراها من الناس رجّال

من لا يفز إن جيت ويحط ويشيل

ولا يسوق الجاه والنفس والمال

ما له قدر لو يعتزي بالأقاويل

والرجل يعرف بالمواقف والأفعال

** **

- فيصل الباهلي