الموضوعات الأكثر
أحمد الناصر:
سلام ردّه صافيه
سويتها وابدى بها
تسمّعوا يامن حضر
سلام ردّه صافيه
يا زين درب العافيه
يا طيبها يا طيبها
ونصف الشهر خمسة عشر
يا زين درب العافيه
مستور العصيمي:
تبا تبان الخافيه
والدر نعرف ذيبها
واليا بدرى نور القمر
تبا تبان الخافيه
الاّ القلوب الصافيه
تضحك وتظهر غيبها
وانا معي وجهة نظر
يا أهل القلوب الصافيه
أحمد الناصر:
ترى الإشاره كافيه
قصة يصيب مصيبها
واليا سريت اخذ الحذر
ترى الإشارة كافيه
هات العلوم الوافيه
لك عادة ٍتجيبها
احذف حجر واقلب حجر
هات العلوم الوافيه
مستور العصيمي:
انا لبوسي ضافيه
جيب الحقيقه جيبها
اخذ خبر واعطي خبر
وانا لبوسي ضافيه
ترى الليالي الدافيه
كل العرب تمشي بها
وانته على جال البحر
وقت الليالي الدافيه
أحمد الناصر:
دربيلنا كشافيه
دنياك ما اعرف غيبها
واحسابنا طرح وجبر
دربيلنا كشافيه
اخلاق ماش خلافيه
تقبل ولا تقفى بها
والريف أخير من الدهر
واخلاف ماش خلافيه
مستور العصيمي:
ياللي بنيت القافيه
والناس ماتبني بها
حط الحجر فوق الحجر
ياللي بنيت القافيه
بعض السوالف كافيه
واصبح بها وامسي بها
يا عود داخلك الكبر
بعض السوالف كافيه
أحمد الناصر:
بالوسط والاطرافيه
اعلوم ماتدري بها
دعوى يضيق ابها النحر
بالوسط والاطرافيه
ياللي عيونك غافيه
تفتح ولا تغضي بها
عبره من الكبار العبر
ياللي عيونك غافيه