الموضوعات الأكثر
مجاراة لقصيدة معالي المستشار/ سعود القحطاني
هاضت هجوس الشاعر اللي رصيده
جزل الفرايد مرجحت كل ميزان
هاضت هجوسه من شذى أجمل قصيده
أبدع بها سعود وزهت كل الألحان
هذا حفيد أهل المكارم عبيده
ترثة عيال العود ذربين الإيمان
وحبيت أجاريها قصيدة جديده
منقيتن مِن كل نقد(ن) ونقصان
وهلت مثل غيث(ن) ترازم رعيده
برقه يلوح ويكشف البرق الأمزان
وأمطر على أرض اهل الفعول التليده
دار الطنايا مزبنة كل بلشان
حائل وله فالقلب حب(ن) يزيده
حب السناعيس أهل القدر والشآن
لافعالهم كل الاوادم شهيده
ربعي هل الأفعال في كل ميدان
دار الكرم وأهل الفعول الاكيده
قوم(ن) لهم في قمة المجد مسكان
ومنها ووجهه شرق والدرب سيده
يمطر على نجد وعلى ذيك الأوطان
ومن شرق لين الغرب ممطور بيده
ومن الجنوب أمطر ليا حدود عمان
يمطر يالين الدار تصبح جليده
خَص الرياض اللي له الشعر ولهان
اليوم أسميها الرياض السعيده
فيها اخو حصة سيفنا طير حوران
من طيب راسه كاسب المجد بيده
فعله مسجل والمدح لا حضر زان
اللي ياجعل سنين عمره مديده
محمد المقدام واسمه كحيلان
الطيب يمشي كنه دم بوريده
ومن قو باسه كنه السيف شامان
سيف البلاد إلا جدارة وجيده
درع الوطن لآثار عج(ن) ودخان
أمن البلد عند الأمور الشديده
ركن الوطن في ظله الدار ما تهان
حر(ن) ينومس طلعته في هديده
النادر اللي للفخر صار عنوان
هو ذخر من صارت حياته زهيده
للي جفاه الوقت منصى ومزبان
يوعد ويوفي وإن وعد في وعيده
لانه ولد سلمان يا حي سلمان
يا سعد من صاير محمد عضيده
راع العطايا اكرم من الغيث هتان
شبيه لمعزي جمع ما يريده
هيبة فهد حنكة فهد حزم سلمان
تجمعت فيه الصفات الحميده
يكفيه جدانه معزي وراكان
شبيه جده راعي الحكم سيده
اللي جمعها بسيف والرمح وحصان
هذا ولد زبن الأمور العنيده
اللي ثبت جيشه وراء حد نجران
قاد الحزم والعزم والسيف بيده
الحاكم العادل ملكنا بليهان
من فعله تخاف المجوس المريده
يخشونه اللي للحرمين عدوان
سلمان سلمان الأمور المكيده
تصبح بعون الله ليا جاته اهوان
وخلف لنا محمد هذاك الوليده
يشبه معزي بالفعل كل الأحيان
حر(ن) يعوق النادرات الشريده
معرب(ن) جدين خال(ن) وعمان
جمع من معزي صفاتٍ عديده
طموحٍ وهيبه وفعله ليا حان
هذا هو معزي وهذا حفيده
متشابهينن بالسياسة والإحسان
متشابهينن بالفعل والعقيده
واللي تحداهم من الناس غلطان
محمد الحمد المزايا الفريده
محمد اليا ثار عج(ن) وبركان
تباشروا شعبه وشعبه يريده
أعطاه حب الشعب خلاق الأكوان
العادل الضرغام والراي سيده
اللي جمع ثنتين حنكة والإيمان
وقبل الختام أثني كلامي وأعيده
صلوا على خير البشر نسل عدنان
** **
- بندر العبدالله الجبر الرشيد