توجّد

الاياوجودي وجد من قل توفيقه

غدى له ذهيبٍ جرته مايعتقها

على جاهلٍ كن الكواكب عشاريقه

تهاوى القمر والشمس من فوق عاتقها

* * *

تغلي

الا يابعد حالي ومالي وحياني

بلاش التغلي مدّ كفك وعايدني

ترى الكل غير الله رب القدر فاني

ولا لك صلاحٍ في حياتي تزهدني

* * *

احراج

انا بصبر عسى بالصبر لو طال الفراق فراج

على شانك وغيرك ماسهرت الليل من اجله

على شانك ومن شانك حياتي بالحياة احراج

عسى قلب شبكته بالهوى ربي يفرج له

* * *

شكوى

ابشرح لك سراير حالتي واشكي عليك الحال

وانا يوم اشتكي عيني بلاه عيونك السودي

اجاحد من ثلاث سنين وارجي كل راس هلال

عسى برضاك تجبر خاطرٍ بالحب ملهودي