تكفين يا عزوة الظفران

حيدي عن الغار وثعاله

ترى الثعالب لها نيبان

وفيها مغلث وقتالة

يا بنت من يكرم الضيفان

بحر الخنا جنبي جاله

بحر الخنا وارده غرقان

وش عاد لو طالت حباله

تحوم من حولها الغربان

ويقذف لما الموج بحثاله

والبومه اللي تجر الحان

ماهيب للخير دلالة

تكفين خلك رفيعة شان

مقرها عالي جباله

ترا الشرف غالي الأثمان

ولا كل من يطلبه ناله

دون الشرف تشتعل نيران

ويركب على الخيل خياله

ياكثر من طاح في الميدان

دون الشرف راميٍ حاله

والله في محكم القرآن

ارسل على محمد رسالة

أوصاه بالستر للنسوان

تدني على صدرها جلاله

** **

- إبراهيم راشد الكويبين