البارحة يوم العباد رقود

النوم ما يطري علي بالي

مجروح روح وخاطري ملهود

يا ناس خلوني علي فالي

تبكي عيوني والدموع شهود

اي والله ابكي صاحبٍ غالي

يا زين مالك من عذابي زود

ارفق بحالي يا بعد حالي

ودي بوصلك يانعيم العود

ودي ولكن ماتهيا لي

تري المحبة مابها منقود

والله فلا اسمع هرج عذالي

اللي ذبحني بالعيون السود

من قبل اعرفه خاطري سالي

يا عود ريحانٍ عليه حدود

ومنين ماهب الهوي مالي

هبي بريحه ياهبوب النود

يطفي بعض همي وغربالي

الحب يذبح والشقا ممدود

ما هي سواليفٍ علي الخالي

يا منوتي يا غاية المقصود

زولك يورالي ويبرالي

** **

- أحمد الناصر الشايع