الموضوعات الأكثر
يامالك الملك يالله يالشديد القوي
انا بوجهك من الدنيا وصكاتها
لها سنة كاملة عيت معي تستوي
من وين ما اروح مقفولة ممراتها
البارحة نجم يتوارى ونجم يهوي
طاحت من العين مدري من مجراتها
ماكل نجم ٍ يطيح اسمع لصوته دوي
الله جعلها تطيح ويكتم اصواتها
الجم سكون التهاوي ليلي الفوضوي
وتشابهت عندي احيا الناس وامواتها
يالليل عكرت صفو الشاعر النخبوي
اللي سمان القصايد يصخر ابياتها
والعارض اللي بغى يلوي ذراعي لوي
مغير بيّن لي اصحابي ونياتها
وانا صقر حر لايطبخ ولا ينشوي
ليت العصافير ماتكثر حركاتها
** **
- رمضان المنتشري
البارحة صار ليلي سرمدي وسروي
وسايل الصبر قافلةٍ محطاتها
القلب مجروح والشكوى كوتني كوي
الله يساعد على الدنيا وعثراتها
سمعت لي صوت ذيبٍ فالحجاز يعوي
صوت الذيابة يعبر عن معاناتها
جتني رسالة صديقٍ رمزها معنوي
من جور الايام واضحةٍ علاماتها
القلب قلب حضري والهرج هرج بدوي
حرك مشاعر قلوبٍ طوّل سكاتها
اكيد ياذيب في دربك تبالك خوي
عايش ظروف الحياة وذاق لوعاتها
اخوك مشبعته الايام طبخ وشوي
ماهمته رحلةٍ طالت مسافاتها
** **
- رشيد الزلامي