الموضوعات الأكثر
دولة العز والتوحيد والمله
كلنا فدوته ونذود من دونه
عاش سلمان نفخر فيه ونجلّه
حاكمٍ عادلٍ والعز بركونه
سطّر المجد والتاريخ سجّل له
سيدي ترخص الأعمار لعيونه
للحرم خادم ومسجد رسول الله
المليك المفدّى كلنا عونه
مملكتنا بعد ربي تحت ظله
مخلصٍ للوطن يحميه ويصونه
بايعته البلاد وشعبها كله
والبلد كل ابوها فيه مآمونه
مع ولي عهده محمد عضيدٍ له
مايهاب الوغى وانتم تخبرونه
ابوسلمان محمد سيفه يسله
ضد الاعداء ياويل الي يعادونه
بالمعارك يكر وبيرقه فله
الهمام البطل والشعب يغلونه
القنابل على روس العدى هله
دمّر المعتدي واللي يعينونه
قام من هيبته خصمه يزولّ له
هيبته تترك الانذال مغبونه
عاش أمير الشباب الصعب يذعن له
خلّا هم المواطن بأول شؤونه
رؤيته ترسم الأحلام باذن الله
قلبه المملكه والشعب بعيونه
والوطن بالخليج الشمس ومطله
والله يعزها ويعز قانونه
** **
- نايف العبيد