«الجزيرة» - عبدالعزيز بن سعود المتعب:

الولاء، والوفاء، واللحمة الوطنية كل منها ماثل بجلاء في القصيدة التالية التي تُجَسّد المشاعر الوطنية المُشَرّفة لشعب الوطن الغالي المملكة العربية السعودية تجاه مقام سيدي نائب الملك صاحب السمو الملكي محمد بن سلمان بن عبدالعزيز -أطال الله عمره وأدام عزه-

وقت الشدايد يبين الًلي يدوس الخطر

ولا يهم العواصف لو تحط وتشيل

أنا أشهد إن مملكة سلمان فيها صقر

أشقر حرارٍ ليا هدّه يجيب الجزيل

يا طيب راسك يابو سلمان وانت الفخر

يا فزعة الدار ياسيف الخليج الصقيل

هذا خليج العرب ماهو مجرد بحر

لا والله إلاَّ شموخ وعزوةٍ ماتميل

ماللعجم في مرابيعه ملاذ ومقر

حنَّا لها لا أشعل البارود راس الفتيل

أهل العمايم تعرف انك ولي النصر

يا سيّد المجد ما للمجد غيرك دليل

يا عزوة اخوان نوره في نهار الظفر

شبيه جدّك معزِّي قاهر المستحيل

ناديت يا مجمع النورين شمس وقمر

وشفت الضيا من كفوفك يا محمد يسيل

من هيبتك مملكتنا بك تشد الظهر

الراس يقدح سطر والبشت ظل ٍ ظليل

سحابتك حوًّلت وادي حنيفه نهر

تروي ظما القيظ بالثجّاج والسلسبيل

انت المطر للصديق وللعدو الجمر

في وقفتك سيف راكان وشموخ النخيل

ياسيّدي لو طلبت النجم تامر أمر

والله والله ما فينا جبان وذليل

ما همنا اللِّي جواده دون ربعه عثر

حنَّا نعسف البروق وما نهاب الصهيل

** **

- عبدالله بن عبيان اليامي