لك الحمد ولك الشكر يا وارث الحيين

وحنّا بشر في دبرة الرب سبحانه

يا عظم الجلل والحزن يكبر على الغالين

ورحيل الأكابر دائماً تكبر أحزانه

على فقد ابو تركي بكى القلب قبل العين

وعينٍ ماتبكي غيبته ما لها خانه

فجعنا خبر فقده عسى اللي خذاه يعين

وفجعة رحيله كنها فجعه اخوانه

بكته العروبة من يمنها الى النهرين

وبكى مسجده وركون قصره وديوانه

وبكته الفعول الطيبة والجناب الزين

وبكى جيشه ورمحه وسيفه وميدانه

وحتى القصيد يصفّق يدينه الثنتين

ويرثي بطولاته ويبكي على شانه

فقدنا شجاع ورجل حرب وكريم يمين

قويٍ بربه في الشدايد وبإيمانه

فقدنا الامير النادر معرب الجدين

أعزّي الوطن في فقد ركنٍ من أركانه

رحل من نطق بالله واكبر على الغازين

وهلّل على الغاشم وجيشه وشيطانه

بعد ما رفع راية وطنا وعز الدين

ترجل زعيم القوم عن صهوة حصانه

قضى عمره يذود بعزومه على الحدين

يقود الجيوش وطبلة الحرب رنانه

عسى الله يختم له بجنة عدن أمين

ويشمله في عفوه ولطفه ورضوانه

دعينا لأبو تركي وكل البشر داعين

عسى الله يظله في نعيمه وفي جنانه

نعم ما تمر النار ولا تمس العين

اللي في سبيله دايم الدوم سهرانه

** **

- علي بن نايف الغامدي