عيدك مبارك بيوم العيد هنيتك

عجل على معايدك والنفس فرحانه

باسمى العبارات والكلْمات خصيتك

قطفت لك من رياض الشعر ريحانه

وكتبت جزل المعاني فيك واهديتك

ياكبر قدرك بوسط القلب واركانه

ماتشوفني بينهم وش لون بدّيتك

عيدي بشوفك يطيب وتزهر أغصانه

من حسن ذاتك بوسط القلب حطيتك

من طيب حظي معك ياسر تيجانه

من بدّهم يارفيع الشان عزيتك

ياواف الأطباع والاخلاص عنوانه

أبيك تعذر ضروفي كان ماجيتك

والا المشاعر على لقياك شفقانه

في وصفك الشعر يتعب كان جاريتك

في ليلة العيد شعري ثار بركانه

** **

- نايف العبيد