شريت لي جح عسى القوم تشريه

ابا اتكسب به واكل راس مالي

قطع متوني بس اشيله وواطيه

وبالبيت احرسه لا يجونه اعيالي

اربع ليالي بس اجيبه واوديه

وان جيت احده قالوا الناس غالي

ما ادري هو انا صدق بالحيل مغليه

والا ان حظي بالسعد ما سعى لي

الله يجيب اللي من الناس يشريه

والا حذفته بالشعيب الموالي

ورزقي على اللي ناشي المزن ينشيه

هوالولي وانا عليه اتكالي

والا (الشرا والبيع) ماني براعيه

الله يرزقني على قد حالي

- سعود جمعان المطيري