أبي أبارك للهلال السعودي

بطولة الدوري وأهني محبيه

والفضل يرجع بعد رب الوجودي

لرئيسه اللي بكل حكمه متوليه

أميرنا الغالي عريب الجدودي

نواف راع الخير ربي يخليه

واعد وحقق للوعد والعهودي

بارجالٍ أبطالٍ تعين وتقويه

إدارته مع لاعبينٍ أسودي

إلين حق بالتكاتف مساعيه

وأنا أحمد اللي كلنا له نعودي

على كريم الفضل من رب نرجيه

أمن وأمان بعهد آل السعودي

والخير عم ومانتمنى نلاقيه

وهلالنا دايم بحسنه يجودي

يسعد جماهيرٍ تحبه وتغليه

ياما وياما والخلايق شهودي

حقق بطوله للمعالي ترقيه

خمسٍ وخمسينٍ ويمكن تزودي

حصل لها الأزرق وأثبت معاليه

إنه زعيمٍ فاق كل الحدودي

بكثرة بطولاته ولا أحدٍ يوازيه

- صالح بن عبدالله التميمي