أتوجه عبر جريدتنا الغراء إلى صاحب السمو الملكي الأمير محمد بن سلمان بن عبد العزيز ولي ولي العهد وزير الدفاع والطيران -حفظه الله- بالتهنئة بمناسبة إطلاق أكبر مشروع اجتماعي في أكبر مدينة ترفيهية متكاملة لأبناء الوطن في منطقة (القدية)، نبارك له هذه الخطوة ونشكره على ما يبذل من جهود لأبناء وطننا الغالي.

قول وفعل تعمل على طول الايام

وتحسب حساب المقبلة من خطاها

فيك الشجاعة والشهامة والاقدام

والعدل في نفسك يعيش بذراها

شبيه أبوك وشبه جدك بالإسلام

والمعرفة عندك تلامع سناها

في مقتبل عمرك معك خضر الاعلام

وتلفها حولك وتحمي حماها

والشعب كله ينتظر منك الأحكام

حتى تفوز بنظرتك مع جناها

ضد الفساد اللي يقولون حوام

وتواجه التغيير في مستواها

يرضيك ما يرضي رفيعين الأسنام

ولا يفوتك ما يدور برحاها

الله يعينك وين ما كنت مقدام

حولك من الأجناس مورث عناها

واللي ظهر للكون أساسه أحلام

ذي سنة الانسان من منتهاها

تبدأ نواة وتنتج صروح وأجسام

وتحقق آمال بعيد مداها

وتصون بيرق موطن الخير ولجام

للحاقد اللي منبهر من صداها

ما لامك العاقل ولا لامك الهام

وما لامك إلا مبعد عن صفاها

وهذي طبيعة في البشر تورث الام

ولولا اختلاف الرأي ما أحد شراها

لك نظرة بالناس كتاب وأقلام

واللي يجي منه الخطأ ما يطاها

تعمل وتعمل والعمل وأنت عزام

تجوب لاجل المملكة وارتقاها

تعمل مع رجال لهم شان واسهام

يميزون الطيبة من شذاها

وحنا بذرى منهو على الحزم جزام

أصل الإدارة عنده ومنحناها

واللي بذرى سلمان لا يمكن يضام

أبو الجميع وكل زينه يراها

والله يجعلنا على الحق قوام

ما ننثني عن واجب في وفاها

- فهد بن سكيت بن علي النويصر