الموضوعات الأكثر
بيوت الشعر جتني في وعدها
برق لي برقها وارعد رعدها
اقلطها على ليث السرايا
زعيم الوقفه الصعبه وأسدها
سلامي يامحمد يابن نايف
تحايا ما أحدٍ يحصي عددها
ولي العهد خيال الاصايل
على العدوان معطيةٍ جهدها
لكدها في المهمات الصعيبه
مثل ماجده معزي لكدها
وزير الأمن لاهدت صقوره
يلوح الموت الاحمر في هددها
قنص داعش مثل قنص الحباري
وعزلها عن بني يعرب وحدها
ليا خطط لها ضاعت خططها
تخطط للصباح وهو هجدها
يراقبها لا جالت تحت شوفه
ولا غطت مناكبها جلدها
بقت جثة على وجه البسيطه
وهو حلق وجنحانه فردها
قطع دابر عصابات الخوارج
ودون الدار سيفه قَص يدها
يحاربهم محمد حرب رده
حصد زمره وشاف اللي بعدها
يوردهم على مرٍ مريرن
وقادمة السنين امر وأدها
بحور الهول لا شمر يمينه
وردد خيال العوجا وردها
ياكم كبدٍ بوقفاته كواها
وكم كبدٍ بمداته بردها
يقابل كل شده بابتسامة
ويضحك للصعاب ويعتمدها
يبلغه الفخر زاكي سلامه
سلامي باذرى الدار وسندها
عسى تفداك ياراس الزعامه
رخومٍ شانت وخانت بلدها
هذا محمد لانادته المعارك
عَصّب راسه وقواته حشدها
مواقيف العرب ماهي بحوله
ولي العهد وقفاته وقفاته وحدها
- علي بن نايف الغامدي