الموضوعات الأكثر
تباشري ياروضة خريم ورماح
تباشري بقدوم عز العروبه
يا مرحبابه عد ما بارقٍ لاح
وعداد ما ترعد مقادم نصوبه
ياخادم البيتين عمتنا الأفراح
عمت شمالي البلاد وجنوبه
نرتاح لا منا ذكرناك مرتاح
هذا شعور الشعب يم محبوبه
احدٍ شعوبه تحتفل عقب ما طاح
ومليكنا باسمه تفاخر شعوبه
وش عاد لو أنه نبح كل نباح
اللي مولعة الفتن غرروبه
هدوا بيوت الناس سعي للإصلاح
مافيه حي إلا وقد فجروا به
حنا جنوده يومها خيل وصياح
وبنموت ما دنس من الدار طوبه
حنا عياله ما لفيناه سياح
ما ننخدع يوم الرخوم غدروبه
دون الوطن وقيادته نرم الأرواح
نفداه برقابٍ ما هيب مغصوبه
فار قابنا بيعه وفي يدينا سلاح
وعلى العدو ربي خلقنا عقوبه
في ظل أبا الخيرات كساب الامداح
ننعم بأمان غيرنا ماحضوبه
ملك ملك يرجع له العلم لوراح
له وقفةٍ بين الملوك محسوبه
ملك بشرع وعدل وإخلاص وانصاح
والله وفزعت شعبه اليا عتزوبه
ربيعنا يومٍ مواريدنا شحاح
ومقدام حربٍ يوم شبة شبوبه
زحزيح أبو فهد ولا هوب ينزاح
ومن هيبته كل الحدود مهيوبه
سلمان له بالطيب مسرى ومسراح
والياهرج لدواهل الفكر صوبه
حكامنا لامن بطش كل سفاح
مشوا على هدى النبي وقتدوبه
خدم بيوت الله والأبواب فتاح
وهم نصرت الإسلام واللي دعوبه
عيال من جاها هجادٍ ومصباح
ما دلهه طيشٍ وعشق محبوبه
معشوقته عذرا زهةزين الارياح
كم واحدٍ جاها تقول مخطوبه
من دار أخو مريم نوى حرب وكفاح
ونوه على ربعٍ معه ولتووبه
جاها على هجنٍ من البعد طفاح
ومن قام قدم انحورهن عيدوبه
ونهار رابع عقب فلاج الاصباح
حول على الغلبا وهم رحبوبه
رووا ركايبهم وشربوا من رماح
ولا امسوا إلا حول راس نووبه
ثم صبحوه مروية علط الارماح
تزار قوة أهل الظفر وجد عوبه
فاول شهر عشرة بدا النور واجتاح
ظلام ليلٍ يفجع اللي حكوبه
فالف وثلاثمية وتسعة عشر لاح
العز لمعزي وهبة هبوبه
- الدريبي بن راجح بن ذيبان السبيعي