قصيدة في سيدي صاحب السمو الملكي الأمير محمد بن سلمان بن عبدالعزيز -حفظه الله- ولي ولي العهد النائب الثاني لرئيس مجلس الوزراء وزير الدفاع بمناسبة رؤية المملكة 2030.

في هيبته في شموخه كنه معزي

ملامح العود نفس الصوت والصورة

حنكه سياسه فراسه جده تهزي

في راسه اللي رغم صغره له حضوره

فيه الدها والصرامة هامة العزي

في مدرسة صامل السطوة خذا دوره

درس علوم السياسة والهدف رزي

وسياسة العود أبوه ورايه وشوره

حتى تعلا المنابر واتعب اللزي

في وسط ميدان طيبٍ ثبت جسوره

حرا ليا اهو يجز بمخلبه جزي

كم واحدٍ من قوي عزمه يجد زوره

ومن رؤية المملكة كم واحد فزي

فرح برؤية وطن من درعه وسوره

أعطى طموح الشباب وهيبة معزي

له نظرة جعلها ما تقصر شبوره

مستقبل بلادي اللي عزها عزي

اشرق برؤية وطن ما ينطفي نوره

حر شهر للملا ماهوب متوزي

ورؤية وطن واضحه من راس اخو نوره

- مبارك بن محمد آل عمار الدوسري