يالله عسى خير ما تنعاد الأيامي

اللي بهن نظرتي للكون سحرية

ايام طافت عليّه وانتهى زامي

حتى بعد ضحكتي بالسن عارية

راحت وأنا بين حلم وعلم وأوهامي

يا ليت ساعة تعود بكل حرية

أبرمي الواقع اللي صار قدامي

والواقع اللي خلافي حدر رجليه

وارجع ثلاثين عام لذيك الاعلامي

واعيش باق الحياة أحلام وردية

ابتسامى واعيش بفكري السامي

واسعد بذاك الشعور وصافي النية

لكنها طيف حلمٍ كل ماقامي

راعيه يلقاه في دارٍ خلاوية

اليا بغيت الحقيقة ضاعت احلامي

أمسي بجوٍّ هبوبه ريح غربية

اصحي على واقعٍ هو جرحي الدامي

إلا أني أسبح مع افكارٍ خيالية

في حال من ورّد الحيم وصدر ضامي

لكن ترى حكمة الخلاق مرضية

- حماد بن مريزيق البشري