الموضوعات الأكثر
ابدا بدعوة الله انه يعونك
ويحميك من قوم علينا يكيدون
يخسون يا سلمان ما يقربونك
حتى لو انتم دون حراس تمشون
يردهم فكرك وفعلك وكونك
راعي سلام وكل ابوهم يشوفون
يا سيدي ما حد يهيض شجونك
مهما فعلو عن كل ذلك يعجزون
انت الملك والعادل اللي بدونك
ما ترتفع هامات شعبٍ يصلّون
كلك وفى وكلك عطى وفي عيونك
طوق الأمل للشعب واللي يحبون
يابو فهد يا حي والله افنونك
يا صاحب الحكمه وغيري يقرون
متلحفٍ بالمعرفه مع ردونك
متميز بالصمت مهما يقولون
في جولتك ذي كلهم يشكرونك
فيها منافع للوطن ما تجي دون
يا سيدي حنا ترانا بعونك
ناقف بوجه المعتدي لين يفنون
والله يخون اللي بفعله يخونك
الخاسرين اللي مع ابليس يمشون
القاصرين بفكرهم ما يجونك
وما ينهلون المعرفه لين يروون
حنا بذراك وشعبك اللي يبونك
يرضون بالمكتوب من خالق الكون
تسرنا يا سيدي بكل رومك
وشعبك معك اطلب تجدهم يلبون
سلامة الأسفار والله يصونك
يا ساكنن باقلوبنا بكل مضمون
** **
- فهد بن سكيت بن علي النويصر