مرثية في المرحوم:

غزاي بن ثعلي أبو كتيفه النفيعي.

يالله يا منش المزون المراديف

يا واحد منك وعليك اعتمادي

عفوك ولطفك يا حسين التصاريف

والحمد فيما قدر الله ورادي

مرحوم ياشيخن عديم التواصيف

في المرجله والطيب والاجتهادي

ماودي اخليك فالقبر ياحيف

وأنا أدري إن شوفتك شربي وزادي

ضميتني على ذراعك بتشريف

وأنا دفنتك فالقبر باللايادي

حط اللبن ودموع عيني مذاريف

على الفراق الله يصبر فوادي

دنين عواقبها المحن والصواديف

الله يلهمنا طريق الرشادي

وداعة إللي ترتجيه الملاهيف

في ضيافة الرحمن رب العبادي

ودعتك الله من قسا البرد والصيف

ولجنة الفردوس ياخير هادي

عساه يجمعنا جليل المعاريف

مع خير الأمه يوم يبدأ التنادي

- ثعلي غزاي