الموضوعات الأكثر
يا عزتي للدار لافارقه حي
حيٍ ينوّرها بعز وكرامه
اللي الى جيته تشوفه يحيي
ويقدّم المعروف طيب وشهامه
حيٍ ينومس لاعطاء يرهي الشي
ولامن في ما اعطاه والحق ملامه
الخير زاده والوفاء ساقي الري
خوّة رفيقٍ لا اكبرت هو حزامه
تطيب ولا يحمي النار والكي
لين العسام يشبّها كالقيامه
انا اشهد انه شيخ ياخذ ويعطي
وامير حقٍ والحكم في كلامه
ما حدٍ يجي مثله ولانيب مخطي
أعد ما شاهدت فعل وقامه
ولا الردي يولد ويربى على الغي
ساسه يورّث بالحياه الرخامه
ما ينفعك لو تطلبه شربة المي
اكبر عليه حمولها من تهامه
عيٍ سلومه بالوراثة ولد عي
ماله ومال المعضلات وخصامه
يشيلها اللي ساقها لين تلفي
ورد على حوض المنايا خطامه
هذاك والله ما ذكرته من شوي
اللي على فعله تليق الزعامه
انا اشهد انه هو ذرى الوقت والفي
للابه اللي لابدى العلم هامه
ال السعود اللي الى دارة رّحي
سلطانهم جيشٍ عظيم ادحامه
فيهم ومنهم ما ذكرته وابعني
راع الوفاء والمجد وذروة سنامه
ولي عهد ولابغى الشي يسطي
عهدٍ علي ما فيه مثله جزامه
جده وذخره لانتخى في معزي
عبدالعزيز أسّس كيان وامامه
وايضاً حكيم الراي والفكر والضي
نايف غذاه بعزّته من فطامه
ذكري لفعلٍ لابدى العلم يوفي
عظيم شان وفارقٍ بالصرامه
قلته واقوله والامم فيه تدري
الطيب كفّه سيدي واحترامه
محمد عسى عمره مديدٍ ويبطي
ويعيش في نعمه وخير وسلامه
- ناصر المتعب