ياربعنا ياللي تحطون موجود

وانتم لكم ناس تبيكم وصدقان

مدري من الاشغال والا من الزود

والا تخافون اتصالات ديان

سفه الرفيق اللي يقدرك منقود

وموجود مايصلح لذربين الايمان

الا لرجل من غثا الوقت مضهود

والنا س دايم يطلبونه وطفران

والا ضعيف عن مشاهيه مطرود

ومن قشر حظة يحسب الناس عدوان

زهمت مالي يافتى الجود مقصود

لانيب لاجايع ولانيب ضميان

اكثر مقاصيدي سلام ومردود

وانا على علم المناعير شفقان

وان كان وقتك مايساعف ومحدود

الى فضيت اذكر سلام ابو راكان

واقبل سلامي عد ماذعذع النود

واعداد مايمطر من الوبل ودان

- عبدالرحمن العريفي