اشقيتني في طول بعدك وفرقاك

حتى وانا ناسيك طاريك جاني

يا ليت حبك مطلعه فوق وارقاك

والاَّ أغوص بعمق بحر الأماني

حلمك سرقه الليل يا وقت ما اقساك

وليلي سرق نومي وراح وجفاني

بلواي من صدّك مثل غيم بلواك

تمكر عذاب وصمت والصبر فاني

وين الليالي الأوله يوم أنا القاك

وين السمر والود وين الحناني

ياما ندهت الصوت وتقول لبّاك

حتى حبال الصوت ترجا زماني

يالعن ابو وقتٍ عن العين ودَّاك

يومن خذاك الوقت ليته خذاني

خيل الوصال بداخلي دوم تنصاك

كل ما كربت الخيل تقطع عناني

اكتب حضورك في وجودي ولا امحاك

ما ينمحى لو ان وقتي محاني

مثل النفل باقي ولا زال يرجاك

حتى غدى حلمي أشوفه ثواني

- عذاب الصمت