جيت المنازل بالمكان المحيلي

ونشدت يا دار العنا كيف الأوضاع

لقيتها من عقبٍ فرقا خليلي

صارت خراب ولا قشر الطير ميقاع

واجتاحني حزنٍ عريضٍ طويلي

كنك تتل القلب من بين الاضلاع

واقفيت عنها والمحاجر تسيلي

ذكرت وقتٍ فات والوقت خداع

على وليفٍ ما لجنسه مثيلي

أم العيون اللي كحيلات ووساع

بيني وبينه وهَّث الدَّل حيلي

من واحدٍ ما جرب الولفٍ والتاع

واعطيك رمزٍ للأسامي دليلي

كانك ببحر الشعرٍ لك شطٍ وشراع

بالدرسعي حرفٍ بحرفٍ بديلي

وما عاد من بعد التفرق تجمَّاع

من شاعرٍ على فراقه عليلي

راع الهوى دايم ذليلٍ ومطواع

كلٍ على ليلاه دمعه هميلي

وانا على ليلاي كبدي تمزَّاع

فهد بن عبدالعزيز الرميان - بريدة