خذ من سهر عيني وعطني من النوم

خلك تذوق وتطعم النوم عيني

خلك تذوق من العنا بس لو يوم

ترحم محبٍّ عايشٍ به سنيني

طال العنا بي ما حصل منك مقسوم

ولا صخف قلبك لقلبٍ حزيني

عمري قضيته بين سجات وحلوم

وخيط الرجا عيا بوصلك يبيني

كنك على قربك مع الناس معدوم

قريب دا ر وكم بينك وبيني

اعطف على اللي من عواطفك محروم

لو با لعمر مرة يهون الحنيني

في نظرةٍ من عينك القلب ملزوم

ضاق بعناه ولا لقى له معيني

قلبٍ وفى لك بالهوى دايم الدوم

مغليك وش فوق الغلا ياضنيني

ما عاف مما شاف لو قال مظلوم

صابر على هجرك برجوى تجيني

- محمد العبيدالله