بدا الوسم يا راعي البر والجيب

تفقد العزبة، وجهز فراشك

البارق لقلب الهواوي مناديب

ومخايلك للمزن سر انتعاشك

وإن قاله اللي يعلم السر والغيب

تبي تسوق الشوف ويطيب جاشك

تمطر على الديرة وكل الجوانيب

وكل الشمال بحيث يتعب فلاشك

وتسيل شغيان السهل والشناخيب

والروضة الخضراء تثير اندهاشك

وترتاح، لامنك تمشيت وتطيب

وتبعد عن اللي كل ماغبت ناشك

فوق اللي صمم للوعر والدباديب

في رحلة استجمام تجلي غباشك

مزاملك خطو العيال النواجيب

هذا هوى بالك، ولذة معاشك

- نايف العبيد