العام شعري فيك يوم اني اغليك

واليوم عنك اسما المشاعر توفت

واذا بغيت تعود ماعاد يمديك

الصحف قد رفعت والاقلام جفت

حاضرك شوه كل ذكرى لماضيك

ياليت روحك عن تماديك عفت

ياليت ماباعك من الغبن شاريك

ونكس بيارق عشرتك عقب رفت

ياكبرها عقب الغلا صدمتي فيك

تشتد لو باكذب وبااقول خفت

سيرتك لو ذعذع بالاشجان طاريك

بعد تعلت لاسفل الدرك هفت

ماضاق عمرك من خطاك وتجنيك

وعمري صروفه من جروحي تشفت

مديت صبري وانصدمت بتماديك

استاهل ويمناك كفت ووفت

خلك وانا للوصل ماني مخليك

قلبي اذا اقفى للورا ماتلفت

- مرزوق الروقي