الموضوعات الأكثر
مبروك حل العام ست وثمانين
مبروك لك يا بنت وادي حنيفه
عيد مبارك ياهنوف المزايين
ياالنايفه يالكايفة ياالعفيفه
ديرة هل العوجا هل الحق والدين
اخوان نوره كاالجبال المنيفه
الحاكمين العادلين المواسين
صيارمٍ يهضاب نجد الشريفه
المملكه ملك لكم يا المسمين
ماهي عطيه بالسيوف الرهيفه
شامت لخو نوره صعوط المجانيين
طاعت عقب ماهي عيوفٍ معيفه
عشيقها معزي زعيم السلاطين
عشقه لها عشق الوليف الوليفه
اول مهرها كاش ماتقبل الدين
جاك الوفاء كامل ماهو باالنصيفه
وثاني مهر منهج الشرع والدين
امنٍ وامانٍ عقب ماهي مخيفه
وثالث مهرها قدم المال واللين
والعنف جاهز للرجال العنيفه
ورفقه رجالٍ للمهمه موالين
افعالهم فوق اعتبار الوصيفة
ماهم على ميراج فوق البعارين
على الرمك وملافخات السفيفه
وردوا على هيت المسى بثنتين
عزمٍ. وقلبٍ كا الصفاه المحيفه
راعت وطاعت للهدى والبراهين
ونادى المنادي ابصري ياالكفيفه
وأرث رجالٍ عادله للموازين
حكام نجد الى تشيل الكليفه
سادوا بها اخوان نوره متوالين
وبعهدهم كل الفيافي مريفه
عشنا معاهم في وطنا عزيزين
بحضن امنا الدافي ربيعه وصيفه
ام شملنا خيرها وامتساوين
الكل يغرف من لبنها غريفة
والله ماترخص عندنا قرة العين
لو بان حيف الوقت لو بان حيفه
تابا المروءة والرجال الميامين
اهل الوفاء ها كالوجية النظيفه
والفارس الماجوس يلعب على مين
لوحال المنزوع ماهو بكيفه
يجي لهم يومٍ مثل يوم حطين
حربٍ عليهم مثل حرب الخليفه
حنا لهم مثل جهنم براكين
حمم يخوف سيلها له وحيفة
حنا براء من الردى والرديين
المرجفينٍ بالعقول الخفيفه
ذيقار شاهدنا دحرنا الخبيثين
ليا دحينا كل مجرم نخيفه
حنا وراء سلمان بالعسر واللين
ولا نتزحزح ثابتين برصيفه
العلم واضح مايبي له عناوي
ياكاتب اكتب سجلي ياصحيفه
الرايه الخضراء على الراس والعين
وتدللى يابنت وادي حنيفه
- عيد راشد بن كليته العنزي