هذا المسا من بسمتك صار لايق

بدر كشفت عن نوره الساطع غيوم

كنت احسب ان احزان روحي شقايق

وان الخفوق من الفرح دوم محروم

وانّك بعيد ودوح صدري حرايق

وان الفراق السَّرمدي بات محتوم

وان الوهم تنفيه شمس الحقايق

وان البعاد اصبح مع الوقت محسوم

ارجع واقلّب وسط ذيك الوثايق

عهد انكتب ما بين الارواح مرسوم

ينبت أمل باعماق روحي دقايق

واقول ليته يصدق الحلم ويدوم

فجأه وظلمة ليل بُعدك طبايق

وانا اتجرّع حسرتي كاس مسموم

شفتك وغَنّى القلب مُغرم ورايق

يا ناس احبه حب بالنبض مختوم

هذا المسا يا بعد كل الخلايق

بدرك سطع وش عاد لو غارت نجوم

- بدر البدور