الموضوعات الأكثر
من مطاليب نفسي ليتني مستريح
ليت قلبي ترك هم الزمن واستراح
لو قلبي وعيني يسمعون النصيح
ما تعنّيت اراعي لي سرابٍ.... ضحاح
طير ياللي تغرّد ليش صوتك جريح
عوّقتك الليالي.........ياكسير الجناح
عقب ما انت بتحوم..اليوم اشوفك طريح
ما تعانق جناحينك هبوب الرياح
بس تنظر بعينك يم هاك....الضريح
يائسٍ من حياةٍ ما وراها صلاح
أعتبر منك.....والعبره خبرها صحيح
والمواعظ تراها للعوارف سلاح
واغضي الطرف عن وجه الزمان القبيح
واتصبّر وبعض الصبر سمٍ ذحاح
وارقب الكون وانظر في مداه الفسيح
وارتجي رحمة الله كل ما البرق لاح
وأستمع وتأمّل في الكلام الفصيح
واتخيّر من الجزلات..... معنىً قراح
واتسامى عن أشعار الهجا..... والمديح
وتعفّف عن حطام اليدين الشحاح
وفي حياتي مع الايام طبعي صريح
اتبع... الصدق ...والمعنى... ونور الصباح
- متعب علي المشعوف