في مدى العمر وقفة والمشاريه ليل

رحلةٍ في ضمايرها يضيع الكلام

جرح الايام طب ومرّها سلسبيل

تحت سلك الحرير وفوق ريش النعام

طرف يجلاه دمع وطرف يجلاه ميل

لوعة المستريح وحجّة المستهام

يكبر الليل هم ويعشق الجمر ويل

ويرسم الحلم صورة في عيون الظلام

هيبةٍ للشجاع وفرصةٍ للذليل

وسمعةٍ للوجيه اللي عليها ملام

شرهتي للعزيز وفزعتي للدخيل

وكلمتي للفهيم وكلمته لي وسام

يكتب الجيل وقت ويمسح الوقت جيل

مثل حجّاج بيت الله وباب السلام

بعض الاشوار صبح وبعض الاشوار ليل

وكلمة الحق تكفي عن جميع الكلام

- هادي الرزقي