الموضوعات الأكثر
انا ما غير انتظر وانظر لجوالي
ابي حبيبي يعايد من تليفونه
يومين راحت وانا ضايق ويرثى لي
اخلف معي سنةٍ بالحب مشحونة
عليه صوتٍ يخفف عني احمالي
وبضحكته ينتزع من قلبي شجونه
عيدي بدونه عزا يا طول غربالي
ان كان بدل هواي وشانت ظنونه
يا نور عيني تلطف واصلح احوالي
ترى السعادة بطعم الوصل مرهونه
كلم وسكن بصوتك حرقة اوصالي
الشوق يوجع ونار العشق مجنونه
طمعتني لين كبرت آخر آمالي
بحري تماوج بريحك فارق سكونه
ودي بلقياك وارشف ريقك الحالي
واشفي عذاب الغرام ببث مكنونه
اشوف فيك المطر يسقي ظما رمالي
وببحتك تنتعش رغبات مدفونه
انت الحيا يغيثني من جالي لجالي
وافرح اذا خيلت في جوي مزونه
حرام كبت المشاعر يرخِص الغالي
وبشوف موته أسيرك يشبع عيونه
أهل الهوى ذبحهم دايم ومتوالي
والهجر قاتلهم اللي ما يطيقونه
منيب عن شوفك اللي فاقده سالي
ابيع عمري واسدد قيمة ديونه
شمسي خيالك وذكرى ايامك ظلالي
زادي غرامك يعيشني بمضمونه
حبيب قلبي تراك بفكري وبالي
و العيد هذا عزف من دونك لحونه
كلٍ تعيد مع احبابه وانا لحالي
عيدي بغيابك خلا من طعمه ولونه