أبيك مابي غيرك أحد ثاني

وإن غبت أموت من القهر والغيره

أنت الربيع اللي يسر أعياني

وانت الحياه لمن فقد تعبيره

أهواك يا أغلى من سكن وجداني

اكثر من شعور عليك اثيره

حباً جرى بالدم في شرياني

يروي عروق القلب في تقطيره

انت الاهم وحب غيرك فاني

ثابت غلاك وفاقداً تغييره

طالبك تكفى لا تصير الجاني

على فؤاد مات لاجلك حيره

مره تجي ومره تبي تجفاني

ومرات طبعك مُبهما تفسيره

وتبحث وتلقى بالوفا عنواني

ما اشكي غرامك لو بدى تقصيره

يشفع لك انك بعد ما تلقاني

تنهي فراقاً باللقا تكفيره

بالك تفكر ساعةً تنساني

اموت حسره واحترق بك غيره

- محمد حلوان الشراري