ياللي دخلت لبيت ربك وخليت

كتب القرآن تخالط الدم وش جاك

هو دين والا لخاين الدين خاويت

صرت العدو بوسطنا من عماياك

ليتك على كل السنن تر تعديت

الا قتال النفس أكبر خطاياك

كفّرت ناسٍ منهجه خدمة البيت

يا شين ما تحمد وتشكر لمولاك

الوالد اللي يسهر الليل يا انحيت

وأمٍ حنونٍ تدعو الله يحماك

عليك بالطاعة لهم كان ربيت

تسعد بهالدنيا وترضي لمولاك

وطاعة ولي الأمر بالحكم تثبيت

بأمن الوطن تأمن وتأمن رعاياك

احذر من اللي فكرهم يهدم الصيت

تبعد عن الملة وتخدم هذولاك

واحذر تطيع اليوم روس الطواغيت

تجلب لدارك معول الهدم حذراك

وصلّوا على المختار قبل التوابيت

اللي به الجنة ونارٍ تعداك

اعداد من لبّى وهرول على البيت

وعداد من صلّى من الخمس نسّاك

** **

حائل - المطرفيّة