تظاهر

بعض الرياجيل لا فزعة ولا جزعة

بطّال وعلومه اللي قال بطالة

يعطيك رقمه يقول آمر تبي فزعة

واليا بغيته يغيّر رقم جواله

* *

ترحيب

يا مرحبا والعلم الابلج لزمته

والرجل بسلوم الرياجيل ملزوم

اللي يجي يمي وانا ماعزمته

اغلى من اللي مايجي غير معزوم

* *

غيرة

يامعديٍ للطيب روس المراقيب

لعل رجلك ماتجيها الجباير

واللي يدوّر بالعباد العذاريب

اما حسد وألا من الناس غاير

* *

تجارة

كل التجاير بين ربح وخسارة

ألا الثلاث مربّحة كل الأوقات

اطعامك المحتاج ساس التجارة

وتلاوة المصحف وحفظ الصلوات

- صالح الناصر