الشاعر تراحيب بن سويلم العتيبي له طريقة ممتعة في كتابة القصيدة، والخواطر حين تمر على شاعر مثله تكون نتائجها كما نرى في آخر هداياه لنا.

خاطرة مرت هجوسي ضحى يوم الخميس

في مجال اهل التقى لا مجال اهل الغرام

وقلت شيٍ في ضميري وفكيت الحبيس

من حرم طيبة توجه الى البيت الحرام

ليت صوتي وأذكر الله مثل صوت السديس

وليت قلبي يحفظ اللي يمره من كلام

مير انا صوتي سماعه على حد الجليس

وكيف أجي مثل السديس إن وقف عند المقام

يوم يقرا ماتيسر من القول النفيس

وقام يجهر بالتراويح في شهر الصيام

شيخ صح الله لسانه نقيس او مانقيس

ماطلع فوق المنابر ولا مثله امام

وكل طالب علم يالله تعيذه من بليس

وجنبه شر المخاليق وعيال الحرام

قال قول المصطفى مايقول اشعار قيس

وختمها على محمد صلاتي والسلام

- تراحيب بن سويلم العتيبي