يا شايفٍ نفسك تكبر على ويش

وانت الاصل من طين وتعود للطين

ولو تسكن قصورٍ فيسحات حتيش

فالقبر تسكن بين مترٍ ومترين

لايغرك التمجيد والمدح والطيش

لن كان ماعندك رصيدٍ من الدين

لايصير في عقلك من الهو تشويش

عمرك محدد منتهي بين قوسيـن

والله لو دونك وقف للاجل جيش

ما ردوا اجلك عنك لو كان يوميـن

لن جاك دورك همشك معه تهميش

شف قدمك اسلافك بعد موتهم وين

وروحك بدون الدين طيرٍ بلا ريش

لو عشت باقي عمرك شهور وسنين

قبلك ماخلّد فالبشر صفوت قريش

اللي فجع موته مئات الملايين

عليه منا عد وبل الرشاريش

صلاةٍ وتسليم مادام حيين

محمد متعب القت المطيري - الرياض