سل سيفٍ ما يسلّه كل خايف

يا اشجع اللي باقي بالمسلمين

اليدين أصدق من هروج الشفايف

الحكي للِّي مغير امسالمين

ما على الحاكم ولا حكمه حسايف

كان ما وقّف بوجه الحاسدين

من تغاضى عن سوايا كل حايف

زاد من نفسه عليه الطامعين

سيّدي ماهي على مثلك كلايف

غارةٍ هزّت صفوف العايلين

فابنك المطنوخ والاّ فابن نايف

ترهب العدوان لو هم جاهزين

الأسود اللِّي ماهي تخشى الرهايف

تحت شورك سيّدي هم طايعين

كل منهم تحته جنود وقذايف

دايمٍ من فضل ربي والمين

معلهم ماهو خفي للناس لايف

عدلهم كبَّل يدين الظالمين

سيدي مثل عديمين الوصايف

لك شعب ماهو يعذر الخاينين

صاروا أمن الحكم بعد الله ولايف

ما غدوا بعد الحكم متباغضين

صفهم واحد مثل ما لكل شايف

صف ما يقواه صف الخاينين

ما تعرف أمن الولا طبع الطوايف

لأنهم دون الوطن متكاتفين

الولا ما هو على شان الوظايف

الولا عهدٍ عطوه الحاكمين

- سعود علي الحريول