القصيدة والأغنية ثنائي ثابت في تاريخ (الشعر والفن) وهذه زاوية نقدم لأحبتنا ومتابعينا قراء (مدارات شعبية) من خلالها -استجابة وتفاعلاً مع الرسائل التي ترد إلينا- أجمل القصائد التي قدمتها أعذب الأصوات..

وفي هذا العدد نقدم نصاً للشاعر عطا الله فرحان بصوت الفنان طلال سلامة:

يا رقيق المشاعر وين راح الحنان

ليه ما شلت قلبٍ طاح قدّام عينك

الزمن هو زمانك والمكان المكان

وآخر الشعر كلمه تسألك عنك وينك

من تقهويت صوتك سولف الزعفران

عاد وشلون فنجالٍ تمده يمينك

تذكر شلون كنَّا والزمن كيف كان

يوم لا غبت عنِّي ما أذكر إلا ونينك

أشعر بخوف ما ادري كنت أحس بأمان

يكفي إن جيت يمّك طار فيني حنينك

وش كثر كنت وافي وأكثر الناس خان

بس أثق فيك حتى لو عيوني تدينك

زان عمري بقربك يعني الوقت زان

حتى جرد القصايد ربَّعت في يدينك

طول عمري وأنا لاوي ذراع الهوان

شفت يومك بعيني منهو يقدر يهينك

ما أذكر إنِّي نسيتك وأذكرك من زمان

وأذكر إنِّي ضحيّه بين قلبي وبينك

تدري وش جابني لك لا تقول الحنان

جيت باشيل قلبٍ طاح قدام عينك