الموضوعات الأكثر
أنا غروري يا عرب ما فهمته
مدري يجيب الذم والا المدايح
انا كتاب اقراه ولا ختمته
لكن مصيري وانكتب فاللوايح
شهدت بان الله حق وعلمته
ارسل محمد بالهدى والفلايح
وشهر رمضان آمنت بالله وصمته
حسب كتاب الله وهدي الصحايح
ومالٍ يزكي راس مالي غرمته
وحجيت بيت الله ما رحت سايح
والحمد لله جيش ذلي هزمته
يوم اتبسّم للوجيه الكلايح
شاعر وقلبي من عرفته فطمته
من مجلسٍ تدهله بعض الشرايح
كم واحدٍ عاري ويكسيه صمته
واذا تحاكا شق جيب وفضايح
وكم واحدٍ كلمته لامن زهمته
تغنيك عن كتب وقصيد وقرايح
وكم تاجرٍ من كثر ماله رحمته
معطى لكن محروم والحظ طايح
ياللي حصانك جامحٍ ما لجمته
واتطرّد الدنيا وصايحك صايح
المال يبقى في حسابٍ حزمته
بحبال فكرك يوم فكرك مشايح
الى متى والضيف ذا ماعزمته
ودموع ترحيبك بضيفك سبايح
وراثتك معهم ضميرٍ هدمته
مالك بيبقى عندهم وانت رايح
أنا فقير وقل مالي لطمته
بقناعةٍ تبني صروح وصفايح
لكن معي مبدأ وسلمٍ لزمته
من مجلسٍ فيه أشقر البن فايح
اذا نزل لي راتبي واستلمته
ثلاثة أرباعه لراعى الذبايح
- حصين بن محماس آل رشيد