الموضوعات الأكثر
الشعر ينعى زعيمه وإمبراطوره
يالله عسى روح بن جدلان فالجنة
والحزن خيّم على الساحه بديجوره
فرايد الشعر والقيفان يبكنّه
والفكره البِكر والإبداع والصوره
قامت تهشَّم عليه وتردف الونّه
هذا فقيد الأدب في دار أخو نوره
لو مات (مامات) والأيام يحكنّه
في الدِّين ياحلو روحانيّة شعوره
الكون يشدوبها والإنس والجِنّه
أبيات شعره تقول أقوال مأثوره
مثل الخلاوي عن الشِّبْط وعن الكنّه
في حِكمته يخرج الإنسان عن طوره
من شدّة إعجاب والأبيات يدعنّه
ترجّل الفارس المغوار عن دوره
ياراية الشعر من بيعوّضِك عنّه
شعّار واجد وضاقت منهم الكورة
مامنهم اللي كتب حرفين من فنّه
يالله عسى روح بن جدلان مسروره
يارب ضيفك كريم ومن هل السنّه
الشايب اللي يحبّه كل جمهوره
تحدوه الآمال فيك ومحسنٍ ظنّه
- راجح المغيّري العتيبي