الموضوعات الأكثر
ياخادم البيتين هاذي رساله
من كل شعب المملكه لاجل الأجيال
مضمونها وقفه وهيبه وقاله
قول وفعل ماهي دعايات الأقوال
حنا حماة الدين والحكم وال له
بإذن الله اللي لاومر شي فعال
هذا الوطن ساس الشجاعه رجاله
من خلقت الدنيا وتبقى على حال
حال الشجاعه والكرم والجماله
رجالهم لاقال وقت الوغاء شال
ياحي والله شعب نعم السلاله
مايستمع في هرج حاسد ودجال
لاجل الوطن يرسون ماهي ختاله
على النقاء وصبح بهم تضرب امثال
وكل الوطن دونه تساق البساله
ياويل ويل اللي على هالوطن عال
شرقا وغرب ومن جنوب وشماله
دونه زحازيح الوطن روس الابطال
ومن شذ عن صف الوطن شان فاله
ينبذه ابوه وينبذه عم مع خال
ماحد درى عنه ولاحد دراله
الا عذاب امه ودمعه ليا سال
هذا وانا معناي باقي حباله
تسبح فضاء ماهي على طية الجال
شبابنا ياشعب صاير الحاله
انا اشهد ان البعض لازال باهمال
تعرضوه لأهل الغدر والضلاله
عبر التواصل مع محطات الإرسال
نحتاج كل يلتفت في عياله
بالنصح والتوجيه والحزم والمال
كل حسب دوره وفكره وماله
والخير في كل المواجيب لازال
باقي مجال وكل شخص ومجاله
والصدق لازم ياهل الصدق ينقال
شبابنا به خير دين وجزاله
والشعب وافي بين شيبان وشبال
وياسيدي سلمان هاذي رساله
وجميعنا لاجل الوطن قول وافعال
- دحيم النومسي