الموضوعات الأكثر
رعد الشمال اللي تقافت رعوده
من هيبته زلزل قلوب المعادين
منه الخصم راح يتفقّد جنوده
هذا وهو ما غير عرضٍ وتمارين
وشلون لو سلمان يعطي فهوده
اوامره للحرب من غير بعدين
وكل تحيزم بالسلاح وقوده
بر وبحر واللي سوات الشياهين
ياقوم ياللي قبل يفتل عضوده
والله ليصبح مثل حسان وحسين
أن عاش والا راح داخل لحوده
بالحالتين يذوق كل الأمرّين
والحرب والله ما طلبنا وجوده
حنَّا دعاة السلم وأهل القوانين
لاشك صبر العقل باحت سدوده
من زمرة الخاين من يسار ويمين
لين اختلط بالوقت وضحه وسوده
وقامت تخاطفنا يدين الخسيسين
وأهل الطمع وأهل النوايا الحقوده
واللي تحملنا خطاهم من اسنين
وأهل الغدر وأهل النفوس الجحوده
ومع كل هذا ما جهلنا المضامين
ارسل لهم سلمان خيرة وفوده
القالطين اللي على ملّه ودين
وتجاهلوا راي الزعيم وجهوده
ومن لا قنع في صايب الراي مسكين
ثم انتهض واحياء مواقف جدوده
بالحزم والهمه زعيم السلاطين
قال انتهى كل النقاش وبنوده
حنّا لها لا عوَّد العلم علمين
لين اصبحت كل الخلايق شهوده
انه جمع بالحزم عدل وبراهين
لبّى نداء جاره وزعل حسوده
وقال أبشروا يا شعب دار الحرمين
الحد والله من طمع في حدوه
ان عافه المدفع يذكّيه سكين
- دحيم النومسي