سلام يا حكام نجد السلاطين

مثل الجبال الشامخات الرواسي

الله ينصركم على نصرة الدين

حيث إن نصر الدين للحكم أساسي

الله بكم يخزي جميع الشياطين

وإبليس واللي يتبع إبليس خاسي

أنتم دروع المملكة بالميادين

بالسيف طوعتو لنا كل قاسي

انتم اهل التوفيق والرفق واللين

وهل القسا اللي براسه أعطاسي

انتم على الدين الحنيف امتواصين

يوم أن بعض الناس للدين ناسي

انتم على حفظ العقيدة حريصين

ومقياسكم دايم رفيع المقاسي

ودستوركم سيد جميع القوانين

دستوركم بالشرع لو قطع راسي

ويا ما صرفتو طايلات الملايين

لحفظ الوطن ما هو لحفظ الكراسي

وتاريخكم بمجلدات الدواوين

بالقمة العليا صعد ومتواسي

انتم لنا ونا لكم مستعدين

لاجا نهاراً فيه فحص الجناسي

وحنا اعيال اللي على الحرب ضارين

لا كبرت القاله نزود بحماسي

عاداتنا بالضيق رجح الموازين

وحريبنا يشرب من الغبن كاسي

الحمد لله صايمين امصلين

بمن ومان وعدل الاحكام راسي

- هندوس بن دغش