الموضوعات الأكثر
يا سلام الله على السيف الطرير
الملك سلمان خيال الكمال
سابع املوك الوطن عجل المسير
بالحزم والعزم وجزلات الخصال
قام بالواجب بما يملي الضمير
شتت الأنذال وأشباه البغال
بالرعد والبرق والرمح الشطير
والحشود اللي حشدها في الشمال
مع ولي العهد والفكر الخبير
يعمل من الصبح لانصاف الليال
خط للارهاب خطٍ مستدير
كبّله بقيود واحبال وغلال
يفتح الأبواب في وجه الغرير
والمناصح منهجه في كل حال
شبل نايف ما يجي مثله جدير
في شؤون المملكه واكبر مثال
يا نجل سلمان بالحل الأخير
يا عريب الأصل من عمٍ وخال
بالأمير اللي على خصمه خطير
فيك منظومه من أفعال الرجال
ما يهمك قول حاقد أو حقير
تنفرد بافعال من فوق الخيال
خصمك اللي يختبي تحت الحصير
لو ظهر للنور ما يلقى مجال
ما تَعجَّل بالكلام ولا تحير
والاجابه منك في حجم السؤال
جابك الله للجزيره نو خير
مستعدٍ للوقايع والنزال
مستعينٍ بالولي شانك كبير
شلت حملٍ ما تشيلنه إجمال
مستعدٍ للمواجه بالذخير
تاصل اللي في رفيعات الجبال
يا صقر من ماكر اصقورٍ تغير
في فنون الحرب واصناف القتال
كل شعب المملكه وقت النفير
ما يساوم بالوطن هذا محال
ومن بدا بالسلم حنَّا له نجير
والمعاند ياكل إتراب ورمال
مملكتنا عزها في كل صير
خيرها من أرضها وحكمه عدال
فهد بن سكيت بن علي النويصر - الرياض