نظرة الشوق من عين الرضا واجهتني

رحت منها صويب وردوا العلم عني

وين جيت بحراويها وهي وين جتني

جعلها في حنايا خافقي ما تثني

ما اعرف وش خذت مني ولا وش عطتني

الوكاد ان به رمحٍ هنيا طعني

يوم لدت علي بعينها واخزرتني

كل عرقٍ بقلب الود طاح متثني

صوبتني بعين وعين ما صوبتني

كيف اجل لو جميع عيونها صوبني

فرقتني من البارح ولاجمعتني

واتركتني على باب الرجا والتمني

طفلةٍ من حديث عيونها علمتني

كيف افل الشراع اللي طويته واغني

جيت منها بجرح وسالفة حيرتني

كيف طرفٍ كسول وياخذ القلب مني

- ضيدان المريخي