الموضوعات الأكثر
يالله يالمعبود يالله يامعين
يا واحدٍ ماله شبيهٍ يوصفى
يا عالم غيب الليالي والسنين
سامع دبيب النمل من تحت الصفى
يالله عسانا يوم عرضك فايزين
في ماقفن فيه البشر عرين حفى
مكارم الأخلاق عند الطيبين
هذي تراها من صفات المصطفى
الرابح اللي فيه عقل وفيه دين
بالدين والتقوى يعد ويعرفى
على المذاهب ما تغيره السنين
والى تكلم كلمته فيها شفى
مكارم الأخلاق بر الوالدين
أبوك وأمك برهم سر وخفى
و السير مع درب الرجال الصالحين
أهل العلوم الطيبة وأهل الوفى
احفظ لسانك عن عروض المسلمين
بعض السوالف عيب وتبذ الخفى
احرص على التقوى وبالله استعين
والحق مثل الشمس نوره ماخفى
بالك تناظر للضعيف بنص عين
الكبر عند الناس ممقوت وكفى
ترى الكرم سجية للكريمين
والضيف له حقٍ عليك الى لفى
خلّك حليم وخل لك قلب فطين
جارك وضيفك لا تورّيه الجفى
احذر ترافق كل نذل وكل شين
رافق عريب الساس من ناس شرفى
يا رب تجعلنا من أصحاب اليمين
يومن كل عن حسابه يكشفى
صلوا على خاتم جميع المرسلين
على الرسول اللي بعد له منصفى
- سهل بندر حياد المقاطي