شي نشوفه ما هو اليوم مرغوب
في أنديتنا للأسف ما ندانيه
يمثل وطنا له مكانة ومحسوب
يا ربنا المعبود يحقق أمانيه
لا جاء الملاعب كنه اليوم مغصوب
وهذا الفعل ما نقبله كيف يمشيه
لا يملك الإخلاص والقلب معطوب
كثرت تفاكيره وزادت هقاويه
شفنا به القصات والراس ملهوب
وين أنت يالمسؤول يا كيف راضيه
خذ العبر من شهمنا الفذ شلهوب
الطيب من طبعه والإخلاص راعيه
رجل وفيّ ما خفى دوم محبوب
هذي الشهامة وطيبته في مماشيه
بدايته عز ولا شابها عيوب
يسلم محمد وكلنا له نحييه
ومن شاف في نفسه ترى الغير مطلوب
واللي يواظب كلن اليوم يغليه
ومدربه شفنا به اليوم عذروب
يرسل خطط من ديرته كيف نبغيه
والمنتخب أصبح به عيوب وعيوب
يحتاج له تعديل يا من يسويه
من شدة الإهمال واليوم معطوب
ويبي له علاج يا عسى الرب يشفيه
الشاعر : محمد عبد العزيز الخنيفر