غنّت وهاضت بالقصايد مداهيل
لجل الوطن وعيون حامي حدوده
سلمان مايوفيه موجز وتفصيل
مليكنا اللي ما تراخى عضوده
ابو فهد لا من وقف يعدل الميل
قول وفعل كل الحقايق شهوده
قآد التحالف واجتمع جدي، وسهيل
حتى أصبحوا كل النشامى افهوده
الله يحفظه من صدوف المقابيل
ويمد في عمره ويهزم حسوده
وهذا الوطن دونه زحول الرجاجيل
يا سعد والله من هذولا جنوده
من عاصفة حزم الجنوب انهمر سيل
صوب الشمال اللي تزلزل رعوده
أحرار وصقور ورجالاً حلاحيل
وعدوهم للموت نفسه تقوده
يستاهلون من الدلال الفناجيل
اللي بهم كل الآمال معقوده
من طيبهم هاضت جميع التماثيل
وجميع طيّب ما جهلنا جدوده
شيلوا معي بالصوت كل المواويل
القاف توه ذعذعت حلو نوده
عاش المليك الفيصلي صفوة الجيل
الشامخ اللي ماتزحزح صموده
- مداهيل