خذها صريحة صادقة من دون تزييف ورتوش
مثل اليتيمة لا اختلت مع نفسها بفراشها
حاول تجاوز عطرها والكحل باطراف الرموش
ومن قبل تلمس جرحها حاول تحس بشاشها
لا تنخدع في طبيةٍ تستوطن الوجه البشوش
ولا تنجرف مع شاعرٍ اسمى العواطف حاشها
من قبل تعشق شاعرك فكّرت وش تقدر تحوش؟!
الا بيوتٍ نازفات والحزن يعمر جاشها
ما ابيك في حلمي تعيش للشاعر احلامٍ تدوش
مابي اجرّك للضياع ولغابتي واحراشها
ماابيك انا تمشي معي والدرب مليان ٍ جيوش
خل العطور الهامسة تبقى بوسط غراشها
لا تقول يا أروع بشر ازعل وعاندني وهوش
ودّي احس بغلطتي واعيشها واعتاشها
مرفوض ابوكل البياض إن ما تصدى للوحوش
والله يجازي طيبةٍ عمر الردى ما ناشها
يا فاتني ما فيه بنت ما تبهره كثر النقوش
وما فيه غادة مترفة تصبر على من هاشها
خلااااص يكفي تضحيه للصدق والوجه البشوش
اللي سمع بالمشكلة.. ما هو مثل من عاشها
- أحمد الناصر الأحمد